雅虎香港電視

【Now財經台】美國電動車初創企業Rivian上市4日持續強勢，較上市價炒高超過90%，市值最新已升至1330億美元，超越傳統車廠通用汽車之餘，同全球最大汽企大眾汽車，亦相差唔夠5%，成為全球市值最大嘅零收入公司。以以市值計，Rivian極速晉身美股100大企業，逼近波音公司，超越星巴克等巨企，咁係反映電動車股潛力無限，還是係一個泡沫訊號？

潤淼資產管理董事盧志威指，Rivian係Tesla嘅「影子股」，亦係第2隻電動車股，喺依家嘅投資環境下，就算一家電動車企冇產品，市值一樣可以升得好驚人，所以對Rivian股價大升唔會感到意外。佢又話，依家Rivian估值好高，當中的確有泡沫成分，但相信唔會即刻爆破。