【Now財經台】美股3大指數噚晚升逾1%，其中道指重上34000點，除咗市場憧憬聯儲局收窄減息幅度，最新出爐嘅數據係咪有份推升大市，美國去年第4季僱傭成本指數按季升1%，較前一季升1.2%略為放緩，升幅亦係1年以來最細，人工少咗，消費自然冇咁豪爽，通脹就會降溫，一般而言，聯儲局議息前市場都唔會好睇重數據，美股噚晚係咪只係借勢炒埋1月？ 潤淼資產管理董事盧志威指，數據可能都有啲幫助，依家多家科技公司，包括Google、Amazon都裁員，所以人工都唔會點加，令通脹降溫係合理。Willam又話，依家市場比較樂觀，將所有數據面向樂觀嘅方向睇，刺激美股向上，加上已經係1月底，市場的確可能借勢炒埋，而近期嘅升勢主要係炒作利率因素。