雅虎香港電視

【Now財經台】美股3大指數繼續向好，其中標指更5連升，約40家今個月已出咗業績嘅成分股企業，有近90%業績好過預期，40%嘅每股盈利比預測高逾10%，當中包括受惠於《魷魚遊戲》熱潮嘅Netflix，依家道指、標指距離歷史高位唔夠1%，業績期破頂嘅機會有幾高？

艾德證券期貨投資策略總監文錦輝指，兩個指數喺業績期未必可以破頂，但好大機會逼近歷史高位，其實科技股業績都唔錯，嚟緊有一啲重磅股派成績表，當中包括Tesla，如果Tesla業績都交到貨，標指好大機會逼近高位，到差唔多破頂時，巨企業績都已經出得七七八八，之後指數應該會橫行，唔會出現重大突破，到時投資者可以考慮減磅，美股之後有冇機會爆上，就要睇紓困方案過唔過到。