雅虎香港電視

【Now財經台】美國聯儲局噚晚公布上次議息會議紀錄，官員認為，由於通脹前景惡化，支持今個月加息0.5厘或0.75厘，比主席鮑威爾上個月議息後，喺記者會嘅言論更鷹。美股3大指數噚晚收市都有得升，主要係會議紀錄反映聯儲局遏通脹嘅決心，聯儲局係咪真係畀到市場足夠嘅信心？

鴻鵠資產管理行政總裁兼首席投資總監陸庭龍指，依家市場嘅情緒、表現非常反覆，市底仍未穩定，市場最初擔心會加息1厘，但議息紀錄顯示，今個月最多加0.75厘，符合預期，令市場可以定落嚟，股市亦有得升。

衰退方面，Alan坦言一定會來臨，因衰退係經濟周期嘅一部分，由於消費需求唔可能無止境擴張，因此，不論加息與否，其實都避免唔到經濟衰退下行，最重要係衰退幾時來臨、維持幾耐、有幾嚴重，雖然全部係未知數，但發生嘅機會係非常高。