【專家分析】美國加息?要睇明年通脹升定跌

【Now財經台】美國11月嘅生產物價指數按年升9.6%,帶嚟通脹升溫嘅警示,拖累美股三大指數噚晚全線向下,納斯達克指數更曾跌2%。憂慮美國通脹急升會導致聯儲局不斷加息,大幅「轉鷹」係咪對市場不利嘅訊號?

艾德證券期貨投資策略總監文錦輝表示,面對高通脹嘅情況,市場預計聯儲局會將縮減買債規模增加至300億美元,並會喺明年3月完成。Felix預計,量化寛鬆完成後,明年6月或9月有機會開始加息。

Felix表示,9月前呢段時間就要睇供應鏈問題能否喺疫情下緩解,如果通脹一直處於高位,加息將避無可避。