雅虎香港電視

【Now財經台】俄烏局勢有降溫跡象，美股結束3連跌，3大指數噚晚齊齊反彈，其中納指及納指100都彈逾2%。聯儲局下個月加息已成定局，對息口敏感嘅科技股，後市又點睇？因為睇返技術指標，大價股如Nvidia及Tesla走勢都開始轉差。

艾德證券期貨投資策略總監文錦輝坦言，的確有啲擔心，因為喺加息周期，高估值嘅股份一定有啲壓力，但個別科技股近期仍然有併購消息，都可以撐住科技股，投資者揀股時要揀一啲手頭揸住較多現金嘅公司，因為做併購嘅機會大啲，而高負債公司就要避開。佢又話，一旦聯儲局加息，第一浸造好嘅股份一定係金融股，一段時間後就輪到高新科技股。