【專家分析】網上醫療股不了?

【Now財經台】阿里健康(00241)噚晚出咗中期業績,轉蝕逾2.3億人仔,但好過之前發盈警時預期最多蝕3.2億人仔,雖然收入增長30%,符合市場預期,但都幫唔到股價,今日持續受壓,一度低見7.52元,跌近5%,呢份半年業績真係咁差?

耀才證券研究部總監植耀輝指,其實唔止阿里健康外,其他醫療股如平安好醫生(01833)、京東健康(06618)等嘅股價表現都係差唔多,反映投資者對呢個板塊嘅睇法比較負面。

佢又話,即使呢啲公司發咗盈警,市場都會睇下業績裏面,有冇一啲較為亮眼嘅地方,但阿里康今次呢份業績就似乎揾唔到,股價今日嘅跌幅,某程度上都反映咗業績到底有幾差。