雅虎香港電視

【Now財經台】美股上半年只淨返1個交易日，聯儲局今季喺2個月內加息1.25厘，期間，美股表現仲差過2002年科網泡沫爆破時期，上半年受俄烏戰事，同埋全球多間央行開始大幅加息打擊市場氣氛，到底美國經濟係咪已經步入衰退？呢啲利淡因素下半年係咪會繼續困擾美股？

東亞銀行財富管理部首席投資策略師李振豪指，美國上半年最大投資主題一定係加息，展望下半年，由於加息路徑相對清晰，相信隨著時間過去，息口對市場嘅影響會慢慢淡化，反而要注意美國經濟係咪會陷入衰退。佢又指，淡市中唔係所有板塊都會畀息口拖低，呢啲價值股可能會喺反彈浪中率先受惠。

Frank估計，一般嚟講，經濟衰退會喺加息後15至18個月出現，因此，可能明年第2季先會步入衰退，而美股第3季表現相信會好過上半年。