【專家分析】百度抽唔抽得過?
【Now財經台】重量級中概股百度(09888)今起招股,噚晚美國股價升逾6%,百度定價最高295元,每手50股,入場費近15000元,市傳券商合共為百度預留咗約1000億元孖展。百度呢隻明星級新股到底抽唔抽得過? 獨立股評人聶振邦指,自百度傳出嚟香港第二上市後,美國股價巳經升咗唔少,定價巳反映咗呢個因素,招股價上限有差唔多10%溢價,佢認為略高。值得留意係,睇返之前嘅中概股,上市初期表現一般,所以百度短炒唔太吸引,聶Sir建議等百度上咗市睇定啲,做中長線部署會比較合適。聶Sir又話,百度、嗶哩嗶哩來港上市嘅消息,一定對新股市場有正面影響,又認為百度招股反應唔差,但上市後表現得唔得就要觀察。
熱門商品