【專家分析】疫苗股炒到水尾?

【Now財經台】印度爆發疫症海嘯,加上報道指美國FDA下星期,可能批准12至15歲群組打輝瑞疫苗,導致疫苗需求急增,炒起相關醫藥及疫苗股,復星醫藥(02196)、國藥控股(01099)、永勝醫療(01612)噚日收市都升超過10%,不過,呢啲股份都炒咗一段時間,後市會有新一輪炒作,還是已經炒到水尾?

潤淼資產管理董事盧志威指,疫苗股炒作已去到中後段,時間同效益已未必太大。佢認為,疫苗股主要睇供求炒高個價,著重價格多過數量。William又話,疫苗產能未來必定會增加,所以供不應求嘅情況,可望於幾個月内有改善。不過,佢認為市場對疫苗股睇得太樂觀,佢坦言唔睇好疫苗股後市。