雅虎香港電視

【Now財經台】喺剛過去嘅周末，市場恐慌情緒持續，變種新冠病毒Omicron繼續喺全球蔓延，一度震散加密貨幣，比特幣(Bitcoin)曾插穿42300美元，以太幣一度急瀉20%，之後喘定。睇返舊年3月疫情最恐慌時，Bitcoin曾急挫後再急彈，以上月高位計，累計反彈超過16倍。依家「Bitcoin與標指相關系數」已見最少5年高位，點樣用Bitcoin走勢分析市場依家嘅恐慌情緒？

星展銀行(香港)豐盛私人客戶執行董事鄧威信指，加密貨幣係一種風險資產，波幅較大，當市場情緒興奮、資金流動較大時，資金就會湧入加密貨幣市場。相反，市場氣氛一轉差，投資者會立即鎖定利潤或止蝕離場，資金嚟得快亦走得快。佢又話，加密貨幣同其他風險資產一樣，都係睇市場氣氛，雖然同股票都有一定相關性，但波幅就大股票好多倍。