【專家分析】新股愈來愈難抽因大媽「漁翁撒網」?
【Now財經台】牛年「第一股」、有過百萬人認購嘅諾輝健康(06606),當中超過56萬人認購一手,但「幸運兒」僅約7.6萬人,乙組客要動用近5400萬元,認購4000手,先可以穩獲一手,就算「頂頭槌飛」亦最多穩獲兩手,比快手(01024)更難抽,勢成「史上最難抽中」新股,諾輝認購反應對投資者未來抽新股有咩啟示? 艾德證券期貨投資策略總監文錦輝指,諾輝招股結果可以令投資者冷靜一下,諗下之後抽新股要點部署。投資者抽過快手等新股,見B組頭有一手,好多人就借孖展抽諾輝B組,但其實都唔穩陣,要上多格先有機會,仲好大機會蝕息。Felix又話,內地投資者喺香港不同券商開戶口,用漁翁撒網策略,令香港投資者抽中嘅機會難上加難,佢認為,監管機構或交易所應該要跟進,令投資市場更公平。
熱門商品