【專家分析】平醫、阿里健康轉升靠疫情第二波?

宏滙資產管理董事及投資策略總監林嘉麒,認為係借勢整固。佢認為市況比較差嘅時候,市場焦點集中喺憧憬醫藥或者物管等板塊,相反近日市場氣氛好轉,資金就會流走炒作其他板塊。佢估計,若果有新一波疫情嘅話,資金就會再入返醫網股板塊,所以對此兩隻股份嘅前景仍係樂觀嘅,只不過而家嘅估值較為貴啲。