雅虎香港電視

【Now財經台】內地噚日公布上年12月嘅信貸數據，其中，新增貸款連續兩個月按年倒退，野村解釋，係反映企業及私人嘅長期貸款疲弱，尤其係新屋銷售放緩下，房貸需求減少，內地信貸環境仲有冇憧憬空間？

耀才證券研究部總監植耀輝指，內地房地產市場情況比較嚴峻，所以銀行喺風險控制方面會更加謹慎，所以上年12月信貸情況比較差係可以理解，但相信今個月打後會有更好嘅表現，因為好多分析都指出，今個季度好多銀行有機會加大信貸投放力度，到時人民幣貸款規模有望增加。