雅虎香港電視

【Now財經台】美股三大指數噚晚都要跌，但科技股沽壓明顯細咗，其中納指一度跌近300點，之後逐步收復失地，更一度短暫倒升，收市僅跌12點，但技術上失守50天、100天線，係資金博反彈，還是已經揾到支持？

艾德證券期貨投資策略總監文錦輝指，雖然美國唔少投行嘅報告都睇好科網股，但投資者擔心通脹升溫、聯儲局提早加息等，呢啲因素都會影響美股後市。

Felix又話，納指依家喺13000點水平上落，投資者暫時唔好心急衝入去買貨，雖然聯儲局為通脹預期降溫，又話接受到通脹升到3%，估計通脹會一逐步升溫，高估值股份難免會受壓。不過，有個別新經濟股長遠增長前景唔差，所以都唔使太擔心。