雅虎香港電視

【Now財經台】中遠海控(01919)發咗一個好爆嘅盈喜，估計首季賺154億人仔，已經多過市場預期全年嘅131億人仔，消息刺激中遠股價一度飆逾30%，高見13.76元，創新高，仲帶挈其他航運股炒上。

英皇證券研究部總監陳錦興指，睇好航運股前景，雖然全球經濟復甦步伐唔一致，但宏觀貿易環境好過特朗普時期，而行業指標「中國出口集裝箱運價綜合指數」逐漸向上，都會利好板塊表現。

Stanley又話，中遠係航運股首選，因為喺強勁業績下，估值依然偏低，預期股價中長線可以重上15元，即係2008年水平。佢又預期，主營貨櫃船租賃嘅中遠海發(02866)可以追落後。