雅虎香港電視

【Now財經台】投資者擔心美國經濟放緩，美股3大指數噚晚反覆向下，不過，中概股強勢，金龍指數升超過5％，衝上3個月嘅收市高位，但14天RSI已升到近乎超買嘅69，上次升到呢個水平，正正係中概股舊年見頂之時，現時嘅基本因素係咪足以支持中概股或重磅股短期繼續上？

東亞銀行財富管理部首席投資策略師李振豪指，依家最重要係睇國策可以點樣令處於低潮嘅中概科技股受惠，但值得留意係，炒國策大部分都比較短線，長遠就要睇盈利食唔食得住國策。

Frank又指，近期唔少平台重新開放，數據審查又少咗，都對中概股有正面幫助，加上唔少公司要「縮皮」開始裁員，佢相信短期內有足夠刺激因素，但要小心中概科技股已經告別高增長。