雅虎香港電視

國足前主帥李鐵涉嚴重違法，早前被帶走調查，內地資深體育記者冉雄飛透露，目前案件仍屬紀律監察部門聯合調查階段，但至少有20人被帶走，除咗李鐵，仲有前國足助教鄭斌同埋忻峰。 冉雄飛提到，各人目前被實施一人一房嘅賓館式管理，法律上唔係強制措施，一般會留置3個月，亦可能半年至一年，調查結束後，會移送到檢察院。 他又話，被調查人士當中，有兩個人係中超球隊前總經理，涉嫌2019年一場中超聯場當中參與打假波，據指係深圳佳兆業對李鐵領軍嘅武漢卓爾，當時深圳佳兆業需要護級，武漢卓爾領先三球情況下，被深圳追平。