四川地震水電站員工開水閘救幾百村民 失聯17天後獲救

1 年前
四川甘孜州瀘定縣月初發生地震,造成93人死亡,喺地震發生時,灣東水電站兩名員工為咗開啟水閘,放棄逃生機會,最後喺失聯17日後獲救。 其中一人羅永表示,喺地震發生時,發現廠房機組停機,必須立即開啟洩洪閘門,否則洪水會淹沒下游村莊,幾百人隨時生去性命。於是佢爬上大壩,開啟水閘。 羅永最後開咗水閘,路上又遇到甘宇,二人往外走咗20多公里,甘宇因體力不支,選擇留喺原地等待求援,而羅永則繼續求援,最終先被救援隊搵到,但甘宇卻不知所蹤。 直至今日,甘宇被村民發現喺樹林中,並通知當局,甘宇被發現時衣服破爛,腿上有傷,但精神尚可,期後由直升機送院。