吳光正罕有發文 籲政府莫被確診數挾持 優先與國際通關

1 年前
九倉集團大股東吳光正日前發文,呼籲香港優先與國際通關,又引用國家主席習近平的七一講話,強調與全球聯繫,係香港嘅「絕對命脈」。 吳光正作為香港地產界嘅代表之一,罕有發文向政府發出呼籲。佢表示,香港如果入境唔暢通,與其他地方脫節,就失去咗國際中心之實,香港唔會係內向型社會,越溫室體制就越弱,令唔少人認為現時係「自廢武功」。 佢又認為,香港目前被「疫情數字挾持」,確診數成為疫情惡化嘅唯一指標,與海外社會以「嚴重性」及「風險程度」作為決策因素有所唔同。 吳光正又引用習近平講話,認為香港要必須保持獨特地位及優勢;保住國際金融、航運及貿易中心等地位,就係要移除阻礙暢通便捷入境嘅絆腳石,全面執行上述所講嘅四個必須。