雅虎香港電視

【Now財經台】全國政協、前特首梁振英近日重提開發大欖郊野公園邊陲地帶，興建居屋單位嘅建議，梁振英智囊、全國政協劉炳章提及，2018年特首林鄭月娥叫停郊野公園邊陲地帶建屋可行性研究，或因民粹所致。

前土地供應專責小組主席黃遠輝唔同意劉炳章嘅講法，佢覺得當年嘅決定係基於民意，公眾諮詢反映咗市民意見，而當時喺邊陲地帶起屋呢個選項支持度唔高，報告提出嘅3個短期選項，同埋4個中長期選項，完全足以填補本港1200公頃土地缺口，所以依家都唔應該返轉頭討論呢啲支持度唔高嘅選項。

黃遠輝坦言，對政府好失望，因爲唔少可以好快做到嘅短中期選項都冇晒聲氣，例如係土地共享、公私營合作等，呢啲計劃連一個申請都冇。