【名家給力場】港股暫毋須引入SPAC？

now.com 財經
3 年前

【Now財經台】據外電報道，李嘉誠計劃喺美國透過特殊目的收購公司(SPAC)上市集資約4億美元。

SPAC冇營運業務，存在目的係透過IPO集資，再去收購未上市嘅公司，等同借殼上市。舊年有近250公司透過SPAC喺美國上市，集資逾833億美元，今年以來集資額已超過475億美元。

SPAC熱潮更殺入亞洲，新加坡交易所早前話，力爭今年引入SPAC機制，希望搶先飲亞洲區「頭啖湯」。雖然有傳港交所(00388)研究緊引入SPAC機制，但市場估計，港交所最終未必會引入，係咪錯失良機？

思博資本高級合夥人張宗永認為，香港現階段冇需要引入SPAC，舊年IPO市場大旺，加上政府噚日宣布加股票印花稅，反映政府睇好股市，暫時似乎冇需要引入新產品，反而新加坡股市交易量低迷，所以希望引入SPAC救市。