雅虎香港電視

【Now財經台】聯儲局持續加息直接帶動美元近月持續轉強，人民幣兌美元匯價今年已貶值近10%，最近更迫近7算關口。另一方面，內地外匯儲備降至近4年最低水平，應該點解讀呢個情況？

臻享顧問董事總經理王良享表示，外匯儲備跌咁多好有可能係人民銀行為頂住匯價大手買入人仔，反映人行唔想人仔再貶值。佢又話，中央將於10月中召開「二十大」，相信會上或談及放鬆現時嘅防疫政策，同埋進一步開放資本市場，呢啲消息都有助人仔造好。

Tommy又預期，人民幣匯價喺「二十大」前或下試1美元兌7至7.05，市場預期，聯儲局12月加息幅度將會細過9月，佢估計，屆時人仔將會走強，重上6.8至6.85水平。