雅虎香港電視

台灣女藝人安于晴早前到泰國旅行嗰陣，俾泰國警察勒索，要求佢支付2萬7千泰銖，先放行佢同佢嘅朋友。安于晴喺社交平台公開事件，泰國當局首先否認，但之後改口承認事件。 泰國國家警察總長丹隆薩話，作為國家警察嘅負責人，向事件嘅受害者致歉，佢又強調，泰國仲有好多好警察，一定會繼續為遊客提供最好保護。 事發嗰陣，安于晴同朋友坐網約車番酒店嗰陣遇到臨檢，之後有警察要求佢哋俾錢避開檢查，安于晴俾錢離開，之後公開事件，泰國警方最後拘捕7名警察。