雅虎香港電視

喺香港經營多年嘅連鎖面包店凱施餅店近日傳出，有部分員工未能收取薪金，而積金局亦證實，凱施餅店拖欠580名員工嘅8月強積金供款。凱施承認，由於財務上安排，部分員工無法如期發放薪金，正積極跟進，承諾今個星期出糧。 凱施話，受兩年幾嘅疫情影響，公司經營上面臨前所未有嘅考驗，已透過唔同開源節流嘅方案一直堅持，未來將致力加強與員工嘅溝通。 目前凱施嘅分店仍如常經營，有分店亦有貼上招聘告示，有工會正跟進事件，表示公司管理層已交代情況，有7成員工準時出糧，其餘員工公司正尋求解決方案。