雅虎香港電視

【Now財經台】政府於8月7日發放新二階段首期2000元消費券後，過去兩周商場人流都明顯增加，置富產業信託(00778)旗下商場過去兩星期情況如何？人流及消費係咪都受消費券效應帶動丁財兩旺？

置富產業信託行政總裁趙宇指，其實旗下商場4月開始至今表現都唔錯，現時置富旗下有16個商場，最主要租戶組合都係民生消費商戶，例如餐飲、大型超市等，雖然2020年爆發疫情開始，商場、人流及租客生意都少咗，但隨著疫情逐步開始穩定落嚟，加上政府放寬社交距離措施，以及政府4月發放第一階段消費券，都見到商場人流及生意持續改善，其中4月人流按月增加20%，時租停車場收入大增約50%，加上5月至7月都有公眾假期，整個氣氛都可以維持到。