很抱歉,您使用的瀏覽器版本過低。 建議改用 Google Chrome, Firefox, Microsoft Edge 以獲得最佳瀏覽經驗!
伊朗全國爆頭巾示威 政府斷網馬斯克開啟星鏈協助
23,903 次觀看
伊朗庫德族女子阿米尼被指頭巾無戴好,被警方拘留期間死亡,引起伊朗全國示威。伊朗政府強硬鎮壓,目前超過40人死亡,當地政府亦切斷大部分網絡服務,美國政府隨後宣布解除對伊朗嘅網絡限制,而Tesla執行長馬斯克亦表示,已開通星鏈在伊朗嘅服務。 伊朗總統萊希表示,會果斷應付示威浪潮,又認為示威係騷亂,目前已有超過40人死亡。伊朗政府切斷大部分國內嘅網絡服務,企圖中斷示威者之間嘅聯繫。 美國財政部表示,包括星鏈在內嘅網絡服務,已經獲准喺伊朗提供服務,但特定嘅接收器,需要批准先可以出口到伊朗,由於美國長期制裁伊朗,所以大部分網絡設備不準出口到伊朗。 而馬斯克喺美國政府公布之後,馬上表示已開通星鏈喺伊朗嘅服務。俄羅斯年初入侵烏克蘭,亦切斷當地網絡服務,當時星鏈亦喺烏克蘭啟用,並發揮效用。
熱門商品