葉蘊儀當年喺大台飾演「肥菜」形象深入民心，但係早前佢竟然用咗五個月時間勁減36磅，仲推出咗性感寫真，由「肥菜」變「正菜」，今集佢就同大家講吓點解。 葉蘊儀話寫真攝影集係一個自己好想做嘅art project，而攝影集叫《赤・色》 ，係想表達「以赤子之心呈現女性本色」，講求女性嘅身體自主，強調唔好俾社會規限自己。譬如有啲人覺得瘦先係靚，但佢覺得肥同瘦都可以好靚，最重要係自己喜歡，講嘅係自主。 葉蘊儀除咗係藝人，佢本身仲搞藝術嘅，開過一間藝術學校。雖然依家再無實體店，但係仍然保持住教學和展覽嘅工作。佢話舖租、員工、燈油火蠟樣樣都要錢，閂咗實體店最少可以慳返七、八萬。 佢建議年輕人喺創業嘅時候都可以先諗諗係咪需要實體店，尤其係依家網絡發達，喺社交媒體已經可以做到好多不同嘅事。佢話只要能夠集合一班志同道合嘅人，唔洗理全職定兼職，足以成立一支好好嘅團隊。 想聽葉蘊儀分享搞藝術和創業嘅心得，就唔好錯過呢集【星級理財】喇！