【星級理財】喬寶寶捱過$5時薪洗廁所 今日成9間生果店老闆
405,324 次觀看
喬寶寶當年因「殘酷一叮」入行,觀眾對佢嘅搞笑形象相當受落,但原來搞笑背後佢相當有諗頭。佢憑藉一啲代言機會,成功遊說老闆夾份做生意,依家已經係9間生果店嘅老闆。 佢分享生果店嘅經營之道,就係唔靚唔賣。而且要包裝夠靚,先可以吸引倒客人,利潤閒閒地可以升五成至一倍。佢話最初係做批發,之後見有得做,就喺街市開零售試點,第一間落戶柴灣。最終生意愈做愈大,目前已經有9間分店。不過佢話賣生果都有風險,如果啲生果來貨唔靚,或者有延誤,佢哋都會蝕錢。 之後佢又分享自己個仔嘅投資之道。佢話有日個仔問佢,可唔可以按咗層樓,喺蘇格蘭買樓收租,因為蘇格蘭樓價平過英國成半。最終阿仔買咗個單位,租金收入$5,000,利息支出$1,000,每月淨袋$4,000。如是者依家物色緊第3個投資物業喇⋯⋯ 今集最後,喬寶寶分享返佢年輕時捱過嘅鹹苦。佢話年輕時試過應徵快餐店,但係經理話除咗洗廁所,所有崗位都夠人。最終佢接受咗offer,以$5時薪洗廁所和倒垃圾,一做就做咗半年。佢話當時連阿媽都接受唔倒佢一身難聞氣味,返到屋企要佢即刻沖涼。同事亦都對佢有所嫌棄,要佢留喺垃圾房食包、食薯條和飲汽水。但係佢對於呢啲經歷完全無怨言! 至於佢嘅星級理財小貼士,就係覺得人要有冒險精神,而且做生意要睇長線,唔好輕易放棄。 想睇喬寶寶分享年少時如何捱苦,到今日如何創業,快啲睇今集「星級理財」!

Yahoo有權移除任何不符 規範服務條款(包括粗俗或鼓勵犯法)之留言。

2 人正在瀏覽
  • Y
    YUKEN
    倒垃圾呢D厭惡性工作...
    唔係人人做到...明明係應該受人尊重
    可惜呀...新一代...你想搵人做?先發下夢
    PS.雖然我自問唔做,但我從來無嫌棄過同垃圾車同lift上落
  • y
    yan yan
    捱得苦先可以出人頭地, 勁
  • 先生
    肯食苦,肯冒險,肯努力向上爬。
  • s
    sydney
    我敬佩喬寶寶!
  • M
    Ma
    聽講喬寶寶好識人情世故,呢類人去到那兒都可創一番天地,恭喜他今日所得的成就
  • O
    OBI
    勤力顧家、先苦後甜、有邊份唔辛苦、最緊要肯做、肯捱、識把握機會、唔怕蝕底、終有出頭天……
  • m
    maggie
    此些階段每個人都一定要經歷過. 除非你係有錢佬嗰仔. 所以希望現今的年青人要腳踏實地. 不耍仇視政府.
  • C
    Chi kui Mah
    加油
  • 1
    1
    敢創業

    香港人,大部唔敢創業,只肯打工
  • M
    Mike
    蘇格蘭我就沒有fact check,但是英國收租要交租金的45%稅,蘇格蘭應該差不到幾多,不過可能有辦法避稅。
    不過我都覺得橋寶寶是一個勤奮顧家的人,值得尊經學習。
熱門商品