【星級理財】「吱吱鼠」伍文生 轉行全靠秘製蛋牛治
309,835 次觀看
伍文生⋯⋯邊個係伍文生? 如果你係八、九十後,應該都會認識以前喺大台做兒童節目《閃電傳真機》和《至Net小人類》主持嘅「吱吱鼠」哥哥,「吱吱鼠」就係伍文生喇! 原來伍文生已經離開大台超過10年,之後同老婆移民澳洲,喺嗰邊生咗三條化骨龍,到2013年回流跟外父學做餐飲業,主打地道嘅蛋牛治。 今次佢上嚟Yahoo「星級理財」分享佢嘅創業辛酸史,佢話最初喺大角嘴開第一間店,投入咗50萬,蝕錢蝕咗年半左右,全因為信錯人喺裝修方面洗多咗錢,又因為餐牌提供嘅食物太多,廚房好難應付,加上貨量嘅控制做得唔夠好,真係蝕到喊! 後尾痛定思痛,決定簡化餐牌,以蛋牛治和蛋包飯做主打,最終儲咗一批熟客,生意先上軌道。 佢話經營餐飲業真係一腳踢,雖則係老闆,但樓面都要做。佢話最初都好唔慣食客認得自己,有時抹抹吓枱、執執吓碗,污糟邋遢有人搵自己影相,真係好尷尬,好彩食客們都好友善,都係想關心吓佢,叫佢加油啫! 難得上到嚟「星級理財」,文生哥哥仲分享咗整蛋牛治的秘訣,人哋用罐頭牛肉,佢地就用⋯⋯ 賣個關子先,如果大家想知點整美味蛋牛治,或者睇吓文生哥哥嘅創業經過,就快啲click入嚟睇啦!

Yahoo有權移除任何不符 規範服務條款(包括粗俗或鼓勵犯法)之留言。

  • c
    che kan
    好耐無見,加油,伍生
  • J
    JAMES
    經商自己做老闆, 始終好過打工 !
  • 陽
    嗰陣䁷得佢同林峯好似,不過後者整左容 上岸了,而伍生都值得敬佩 加油~
  • c
    chung
    好多人唔知道或者唔記得, 當年蓋世寶刀插大脾既男主角就係佢
  • S
    S.KI
    如果無大台儲落既人氣, 會唔會無咁多客??
    不過呢D 都係佢努力得黎既, 值得擁有.
  • d
    diu
    標題應該係 『轉行全靠佢老婆』
熱門商品