雅虎香港電視

一手樓唔啱心水，始終鍾情傳統藍籌屋苑者，就要留意！今集我地先講馬鞍山「新港城」，一共4,760伙嘅「新港城」，原來上車兩房則都有幾款，究竟點揀好？影響價錢高低嘅景觀，又分咩級數？

唔講屋苑名，單睇內櫳，會以為這裡是「沙田第一城」，無論設計佈局都同「一城」極之相似。這個338呎的兩房則為屋苑最細上車類別，設有兩間眼鏡睡房，要糾正「五門歸心」問題，很多業主會選擇拆走中間牆身。

不過，眼鏡房開則也有差別，一、二期無窗台，三至五期就有，眼鏡房面積也有大細之分。以四期而言，眼鏡兩房則會分338呎及363呎，而363呎的的廳及房，會各自大一呎，其房間則可放置一張四呎半床，還有空間放衣櫃。

兩房還有一款則，屬兩邊廳布局，但就只有三五期有提供。但始終兩邊廳，客廳稍嫌狹長，非上車客大路之選。

隨著樓市調整，「新港城」開始有少量五字貨，樓價高低跟樓齡有關，但「新港城」樓價的差異，還在景觀上反映，認住兩個單位就可以：H座3室、以及F座2室，這些算一線景，某些38樓以上的單位，高過前方樓景，也可以望到海景及八仙嶺。

今次參觀的單位在四期，外望非「新港城」一線類別。都是以自己屋苑樓景為主，側望望泳池也尚算開揚。業主叫價620萬，呎價18343元，較08年低位買價185萬元，高出最少235%。

但近日市況回調，銀行估價有所回落，叫價一律未獲估足，平均介乎515萬至586萬元之間。若銀行肯以成交價批貸款，以供款額計算，叫價也超出按保門檻，需自己先付四成首期，即248萬元，餘額上會，月供14,458元，月入35,000元才可通過壓力測試。