【胡.說樓市】空置稅 - 樓市萬能藥?

6 年前
財爺近月曾提出研究空置稅的可行性,但大家又有無諗過,空置稅係咪可以迫得盤源釋出?釋出的盤源,又係咪可以紓緩供應短缺的困境?空置稅又可以點樣界定?

今時今日,沙田第一城一個實用284呎的兩房單位,叫價已高達600萬。樓價愈升愈有,只因貨源嚴重短缺,目前第一城可放賣單位跌剩100間,佔總存量不足1%,按月以逾10間速度銳減。

以至主要藍苑都有類近情況。中價樓太古城、康怡跌至100至200間,麗港城亦跌至75個放盤量。

有代理因此認為,在空置率如此低的情況下,空置稅的效用並不如想像般大。

根據差估署資料,目前全港私樓空置量42,900伙,空置率3.7%,對比樓市谷底03年的6.8%,顯然不算高。問題是統計手法粗疏,署方只針對兩年內落成物業作全面統計,至於之前已落成物業就抽出3%作抽樣調查,變相令空置量有幾高,市場未必有準確計算,而且就算落行執行,亦有難度。

至於空置稅如何界定,亦沒有清晰劃分,空置稅是否「能醫百病」,相信仍有一段距離。