【星級理財】陳啟泰的退休三寶:樓 健康 工人姐姐
326,462 次觀看
今集「星級理財」,陳啟泰會分享佢嘅人生觀同埋退休準備。陳啟泰最為人熟知嘅就係「百萬富翁」主持,但原來佢當初入行最想唱歌同拍戲,所以佢話「有錢先可以談理想」呢句說話某程度係啱嘅。 就好似佢咁,入行前想做大明星、大歌星,最終靠做主持入行,再利用知名度去發展其他演藝事業。佢仲話年輕人有時太急於實踐自己嘅想法未必係好事,凡事多試幾次,試咗唔啱亦唔好死纏,應該搵下一個發展機會。 上集佢講到一早已經賺倒人生嘅第一桶金。今集佢就講話原來一早已經儲夠錢退休。佢話退休唔洗好多錢,最緊要有屋住,有健康,同理有工人姐姐! 住屋間題已經一早解決,按揭還清,亦無打算換樓。想要工人姐姐,主要因為想舒服啲,唔洗自己煮飯、洗碗同打掃。至於健康,因為失眠18年,佢切身體會健康嘅重要性。因為無論你有幾多錢,無健康都享用唔倒。佢同太太有一個特別嘅諗法,就係唔相信保險,因為佢哋覺得寧願唔生癌,都唔想要一億元的保障。佢依家主要靠多做運動同一啲另類療法養生。 最後佢講到退休藍圖一個重要嘅組成部分,就係「退而不休」。佢希望他日百年歸老,可以好似修哥咁繼續工作,咁樣係好理想嘅生活方式。 想知道更多陳啟泰嘅退休部署同諗法,就要睇今集「星級理財」。
熱門商品