【星級理財】讀陶瓷鑑證 樊亦敏學買古董
382,412 次觀看
上集講到樊亦敏嘅投資初體驗竟然由小學開始!今集佢再同大家分享,大個咗投資啲乜! 佢就話自己雙子座個性,鍾意發掘一啲有興趣嘅事物,譬如古董,因為佢本身鍾意陶瓷,就抽咗啲時間去讀陶瓷鑑證,建議大家能力範圍許可,可以去買官窯,即係官方做嘅瓷器;如果嫌貴得滯,就睇吓當學吓嘢,因為陶瓷嘅好處,佢唔係一件純投資,本身都有鑑賞價值。佢仲建議大家可以搵個師傅教,咁就更加可信。如果買倒件靚瓷器,記得好好存放,喺經歷好多個寒暑之後,佢就會慢慢升值㗎喇! 而佢開始投資古董,係由一個朋友啟發。佢話喺九幾年嘅一個聖誕節,有個朋友飲醉咗,行過摩囉街見倒幅畫好靚,於是用八千蚊買咗返屋企,點知呢個畫家喺近十年竄紅,幅畫升值至幾十萬!所以如果大家想投資古董,必先要培養自己的審美觀和觸覺。 投資古董和名畫好似好「離地」,但係樊亦敏話,喺日常生活買嘢都可以當投資。譬如女人天生鍾意買嘢,有時想買珠寶首飾,如果真係想佢升值,建議買一啲卡裝嘅石,要睇佢地來源和質量。至於買碎石可以嗎?得!鍾意就買嚟戴,但唔好當投資。 最後,佢唔怕尷尬同大家分享埋自己嘅退休大計,佢話會儲一筆錢去住一啲比較好嘅私人院舍。佢希望院舍設備齊全,可以自由出入,又有一班老友記可以互相陪伴。 佢解釋入住院舍嘅原因,係因為老咗未必行得走得,但住院舍可以確保有人照顧。樊亦敏仲話呢啲係人生必經之路,唔係悲觀,計劃好之後就可以好坦然。 嚟到最後嘅「星級理財小貼士」,佢叮囑大家要對生活知足,唔好盲目追求金錢,令自己睇唔清楚、亂咁投資。 想聽多啲樊亦敏嘅分享,快啲嚟睇呢集【星級理財】!
熱門商品