雅虎香港電視

人氣男團 MIRROR 為慶祝成軍五周年，今（1 日）在迪士尼舉行包場活動，準備同大批鏡粉一齊慶祝大日子。柳應廷昨自爆榮升車主，購入「波子」保時捷，他承認是一次過付款，不過就稱是朋友放售的二手車，為方便載父母出入；至於有指秘戀靚女插畫師 Coey，他笑指現階段事業為主，「緋聞只係緋聞！」

12 子活動前見記者，打扮以藍白色為主，表現興奮。花姐更即場鬼馬提問 MIRROR 五周年開唔開心？12 子齊聲應「開心！」之後花姐亦有祝 MIRROR「五周年生日快樂」。

12 子今日獲分配同 fans 玩不同機動遊戲，面對有可能被影下醜圖，MIRROR 就話最緊要 enjoy！其中教主 Anson Lo 會玩咖啡杯，問驚唔驚企不穩？他笑笑口答「應該 okay 嘅，唔會好快啫。」姜濤會玩海盜船，他竟然擔心自己暈船浪，仲自爆已帶定暈浪丸！

問到最期待的環節，12 子一致表示是花車巡遊，因為不是好多人可以上到架花車，AK 仲話「我哋會盡量用公主的狀態去呈現。」Lokman 聞言即割席，「你咋！」

成員柳應廷（Jer)昨深夜在社交媒體自爆，人生第一架車買了保時捷，被隊友紛紛起閧「有錢」Jer 聞言話，「錢係心意來嘅」，隊友再「哇…」Jer 再解畫，「因為搬咗屋同爸爸媽媽住，想可以車佢哋上上落落。」至於點解買保時捷？Jer 就笑指係「個人口味的問題」。

Jer 之後再回應指，保時捷是朋友放的二手車，昨日已首次駕駛外出，表示車速 70，「因為政府規定。」Anson Lo 問 Jer 是否「一炮過」付清？Jer 即耍手擰頭笑謂，「唔好講呢啲啦」。

最近有傳 Jer 戀上有男友的靚女插畫師Coey，仲疑似秘遊日本。被問到是否有新戀情，Jer 否認指對方只是朋友，「緋聞就只是緋聞」，被問到會否想拍拖，他就表示順其自然，笑指自己是事業型的男人，要發展事業先。

早前呂爵安（Edan）的 Fans Club突然宣布解散，Edan 承認是公司出手幫忙處理換屆事宜，他提到 FC 存在起底、攻擊的現象，希望事情得到更好解決，FC 現階段「hold 住」，長遠仍會交由 FC 獨立運作。

相關內容：

【Yahoo 娛樂圈直擊】 Mirror 5周年｜Mirror 成軍五周年獲花姐祝賀 12子準備同 fans 大玩遊戲