雅虎香港電視

樓價癲，隨時迫到人都癲，上車同「傻的嗎？」幾乎畫上等號。今時今日揸住四十萬，只夠買四分一個車位、10手騰訊，或者去日本血併40次。如果同你講，用同一筆錢，可以於鬧市中上車，你又信唔信？

這個德發大廈的單位是其中之一。由玻璃趟門外望，高高在上將都市景盡收眼底，這裡不是屯門、不是天水圍，而是旺角鬧市，一個樓齡近四十年的二手樓，首期40萬勉強可以上車。

皆因業主開價368萬，仍然符合九成按揭門檻，首期36.8萬，連按保月供12,300元，月入四萬元已夠過壓力測試。

放盤雖然得200零呎大，但市場依舊搶手，尤其對照今日百零呎的納米樓，空間已經算寬敞，原則兩房改全開放式，轉角牆身可以放雙人床及小型衣櫃。廚房拆走納入洗手間後，改在大門旁設廚櫃，麻雀雖小但五臟俱全。

我們翻查了今年以來，實用250呎以下的二手蚊型買賣，發現平均每宗金額已經上升至365萬，較去年再彈升26萬，意味連上車最後希望的納米樓，都逐步跟九成按揭絕緣。

要絕處求生，香港人已慣於愈住愈細。但當蚊型單位的樓價都未必做唔到高成數按揭，下一步仲可以點樣見招拆招？