【胡.說樓市】長實「星漣海」維修冷氣機好麻煩!玻璃窗都蝦畏高者?
452,195 次觀看
買樓花,不到收樓未必看清廬山真面目。業主陳先生斥資二千幾萬,買入長實白石「星漣海」超過千二呎的單位,部份問題睇樓書都睇唔出!原來睡房外接的冷氣機散熱器並非屬於業主,而係屬於樓下,即係要維修冷氣機,次次都要煩到樓上業主!另外,玻璃窗設計都蝦畏高人士,究竟係點?一齊去片!(溫提:畏高者慎入) 陳先生原本打算在客廳安裝投影機,師傅度一度,才發現客廳高度竟比睡房矮幾吋。睡房九呎十吋、客廳九呎四。樓書有無列明?翻查「星漣海」樓書,原來有列出單位「樓板厚度」,厚度150毫米至300毫米不等,相信是影響樓高關鍵。只是當中無詳細列明,哪部份是150毫米、哪部份是300毫米。 至於冷氣機問題,業主也坦言,原本打算作一些間隔改動,卻因為冷氣機散熱器擺位而打消念頭。 其實露台位置也很有特色,但樓書很難反映。露台滴水線向外凸出不足,雨水容易滴在露台圍欄,發揮不到擋雨效果。由客廳伸延出來露台,面積有45呎大,比一般環保露台面積大,橫跨至主人房一邊。但看樓書並不知道,原來主人房有一道側窗,可通往露台,但卻跌了一級,高度相差有半條小腿之多。 至於主人房另一邊睡窗,就是全隻可打開的窗門,下方只用一塊玻璃作分隔,跟部份新盤下截為梗玻璃、上截可以打開的類別相比,這種設計望落有點「牙煙」。 最後走入洗手間。大單位浴缸可將清潔用品置於氣窗的壆位上,但細單位卻會連壆位也欠奉,業主需自行安裝盛載清潔用品的支架,設計上不夠貼心。
  • 月
    "至於主人房另一邊睡窗,就是全隻可打開的窗門,下方只用一塊玻璃作分隔,跟部份新盤下截為梗玻璃、上截可以打開的類別相比,這種設計望落有點「牙煙」。"睇到呢隻窗, 真係笑左出來. 真係求其到咁?!
  • VW
    呢隻窗點會批, 有冇搞錯
  • Wu
    人地部壓縮機放係我個窗下面,唔止維修換機打擾人,樓下開冷氣,我唔使旨擬開窗啦!啲熱氣我食晒!
  • ǝvǝv
    李 + x 嘅樓! 講完!
  • Ray
    唔係點幫李日日賺
  • Yuk
    起埋D間尺樓,點都好過澳門同台灣D 豆腐樓
  • MMO
    好想知邊個天才設計
熱門商品