雅虎香港電視

【Now財經台】內需股海爾智家(06690)股價今日走勢反覆，一直喺「卡」住喺29元水平。

海爾智家舊年12月底上市，差唔多掛咗牌半年，上市後股價一直升到今年2月，上過38.45元高位後，因為大市爆殺估值潮，海爾智家就開始調整，但幾次落到28元水平都有支持，今次都唔例外，噚日見過28.55元，今朝就彈返少少。

睇返《彭博》嘅數據，除野村、高盛外，一眾大行都睇好海爾智家，畀「買入」評級，而大行平均目標價係40.59元，即係仲有40%潛在上升空間。