雅虎香港電視

【Now財經台】內地監管風暴今年正面「吹襲」互聯網、教育、醫美等行業，依家有唔少大型中概股喺海外上市，所以當股價急挫時，海外投資者都會十分關注，內地監管政策不斷調整，覆蓋範圍愈來愈大，市場係咪已經適應到？

馬山資本董事總經理林子傑指，投資者應該仍未清楚知道發生咩事，所以好多海外投資者選擇減磅，甚至短暫離場。佢又話，市場有太多不穩定性，唔同行業都出現結構性轉變，一啲原本有增長周期嘅股票，依家變得平穩，個別甚至向下，證明投資者仍未適應呢啲政治因素。