雅虎香港電視

【Now財經台】今日成板燃氣股由頭跌到尾，其中新奧能源(02688)股價今個月已累跌近20%，天然氣價升唔停，係咪燃氣價急插嘅「死因」？

紅蟻資本投資經理李澤銘指，天然氣價已經升咗兩、三個月，市場都預期喺供應緊張下，氣價喺冬天會進一步攀升。佢又話，自從中國燃氣(00384)喺湖北嘅設施發生爆炸後，市場開始關注燃氣風險，亦令集團建設管道嘅風險成本增加，而天然氣價持續上升，令燃氣公司利潤大跌。

李澤銘又話，中國恒大(03333)危機不斷發酵，波及其他內房發展商，令新建房屋落成量減少，繼而導致燃氣公司鋪設管道嘅擴展速率亦受輕微影響，引發短期憂慮。