雅虎香港電視

Tesla執行長馬斯克突然轉向同意收購Twitter，以4月嘅協議每股54.2美元作為定案，琴晚Twitter股價急升22.2%，收報52美元。  

馬斯克話，收購Twitter可以加快建設X應用程式，又希望喺Twitter增加新服務，創建一種多功能嘅應用程式。馬斯克曾大讚微信方便，Twitter或以呢個方向發展，可以作用支付、訂購食物、電召汽車嘅平台。  

馬斯克原本以Twitter太多假用戶嘅理由，拒絕收購，又曾話因為俄烏戰爭，如果世界大戰購買Twitter都無意思，案件即將喺法院審理，但隨著馬斯克轉軚，雙方唔洗再對簿公堂。