美國科技業喺上年底開始裁員潮不斷，繼Meta、亞馬遜、微軟之後，傳統電腦巨頭戴爾亦宣布裁員6650人，佔全球員工5%。 戴爾副董事長暨共同營運長克拉克對員工講，受到唔確定嘅未來影響，戴爾喺市場嘅情況不斷惡化，公司要暫停招聘、限制外部服務支出黎減省成本，不幸嘅係，團隊之中有成員要離開，佢話，咁係非常困難嘅決定，但為咗公司長期健康，咁係必要嘅決定。 經歷完疫情嘅電腦銷售潮之後，2022年全年市場需求低迷，個人電腦出貨量下降近3成，對戴爾嘅業務造成嚴重打擊。