李家超論壇稱與其他大灣區城市互補說好故事 梁振英:檢疫讓內地與香港有認知差距

1 年前
香港再出發大聯盟與中國日報合辦一個大灣區論壇,特首李家超及全國政協副主席等以視像發言。 特首李家超表示,香港喺一國兩制下,得到國家強大支持,具備市場化及國際營商嘅環境,會繼續發揮國際金融、貿易及航運中心嘅角色,有信心與大灣區其他城市互補合作,向全球說好大灣區故事。 佢話,香港係大灣局其中一個重要城市,作為全球最自由經濟體及最大的離岸人民幣業務中心,係聯通國際與內地嘅橋樑,香港亦會積極發展文化事業,成為中西文化交流中心。 全國政協副主席梁振英就話,大灣區融合會帶黎新嘅動力,為大灣區城市帶黎巨大機遇,而大灣區嘅城市一直都有主動傳遞訊息,但資訊無喺香港廣泛報道,市民未能接收到,佢又話,如果內地與香港嘅檢疫措施唔取消,會增加兩地嘅認知差距。佢建議,香港媒體及商會、專業機構喺大灣區建立分會,解決因檢疫而港人無法到內地嘅問題。