【Now財經台】5月內地居民消費價格指數(CPI)升0.2%，符合預期，工業生產者出廠價格指數(PPI)跌4.6%，錄得逾7年最大跌幅，加埋日前出嘅外貿數據，都反映內地經濟唔係太理想，內需及通縮壓力都令人擔心，如果中央短期內唔出手，之後係咪更難搞？人仔貶值壓力係咪仍然好大？ 瑞穗銀行首席亞洲外匯策略師張建泰指，依家市場對中國經濟前景都睇得比較悲觀，因為喺經濟重啟階段，不單冇通脹，反而開始有通縮風險，意味消費都比較弱，中央短期都要出招，令市場重拾對中國經濟前景嘅信心。佢又認為，由於人仔依家貶值壓力大，所以內地即時減息機會較微，但短期可能會降準釋放流動性。