新民黨倡增博彩稅遭馬會反駁 葉劉:馬會賺少點就可以

3,652 次觀看・1 年前
新民黨近日提倡大幅增加香港足球博彩稅30%,馬會之後發聲明,話新民黨對行業欠缺了解,加稅建議會摧毀香港作為頂尖賽馬地區嘅世界地位。 馬會話,加稅之後,馬會嘅收益會下跌60億至90億,盈利消失,甚至出現虧損,令馬會冇法為社會作出貢獻,又話要與外圍競爭,如果削弱馬會競爭力,只會得不償失。 新民黨主席葉劉淑儀就認為,馬會喺疫情期間仍有唔少收益,又話早前同馬會行政總裁會面,對方表示唔係唔可以加稅,但提出更多運動項目容許賭博,證明馬會考慮交換條件,佢又話,馬會只要調整賠率,「賺少一啲」,就可以增加收入。