尹鍚悅台下罵美國國會遭電視台收音 總統發言人急澄清

46,507 次觀看・1 年前
南韓總統尹鍚悅繼續進行北美訪問行程,佢日前受邀出席紐約一個會議時,喺台下被南韓電視台影到用粗言罵美國國會,但南韓總統發言人澄清,尹鍚悅係鬧國內反對黨。 尹鍚悅受拜登邀請,出席今次會議,會議係呼籲為中低發展度嘅國家籌集經費,終止愛滋病及肺結核等病,美國將會捐出60億美元,南韓亦會捐出1億美元。 不過,剛剛喺台上與拜登交談嘅尹鍚悅,喺台下同幕僚閒聊時,被南韓電視台影到佢講:如果呢班美國狗雜種議員唔通過,拜登嘅面子要放喺邊? 電視台播出片段後,南韓民主黨批評尹鍚悅損害國家尊嚴,但總統發言人就澄清,尹鍚悅鬧嘅係南韓民主黨,佢意思係如果南韓國會唔通過,佢自己點對得住拜登。 但解釋似乎不被南韓國內接納,因為早前美國眾議院議長佩洛西訪韓,尹鍚悅寧願出席其他活動,都以休假理由唔接待佩洛西,被認為佢對美國國會反感。