雅虎香港電視

【Now財經台】Facebook業務最近受蘋果公司更改收集用戶資料規定影響，股價自上月高位回落超過10%。集團噚晚喺美股收市後出業績，上季每股盈利、每日活躍用戶數目都好過預期，但上季及今季收入指引預測就低過預期，整體表現好壞參半。不過，Facebook話會再掟500億美元做回購，呢份業績幫唔幫到Facebook「救價」？

潤淼資產管理董事盧志威指，Facebook股價已率先反映iOS私隱政策轉變嘅影響，集團亦預告第4季收入會縮水，短期內亦解決唔到iOS問題，依家要等Apple調節返新系統，同埋廣告商重新接受。不過，其他社交平台仍然好難砌低Facebook，因為公司會加碼回購，呢樣係細公司做唔到。佢又估計，雖然Facebook股價未必可以突然大升，但相信走勢會保持平穩。