雅虎香港電視

【Now財經台】聯儲局多名官員就加息發表偏鷹言論，美股噚晚又跌，其中道指再失守3萬關，第4季一開局都喪炒各國央行會放慢加息步伐，但近期先後有唔同國家嘅央行行長，話今個加息周期遠未完結，依家睇嚟巿場之前似乎只係搵個借口炒上去？美國今晚會出非農就業數據，對美股及聯儲局加息步伐有咩影響？

華盛証券分析師聶振邦指，巿場要等埋今晚嘅非農數據，先可以判斷聯儲局嘅加息步伐，因為過去5個月最終公布嘅數字都高過預期，市場最新估計9月非農新增職位25萬個，少過8月嘅逾31萬個，如果數據最終符合巿場預期，加息預期將會調整之餘，亦有利美股後巿。