雅虎香港電視

九龍城區議會日前討論內地團喺區內引發嘅問題，身兼立法會議員嘅九龍城區議員李慧琼就話，當局唔應該俾廉價旅行團冇限制黎香港，擔心以「購物」補償團費對香港經濟幫助唔大，反而令旅客對香港留低壞印象。 李慧琼又話，當局喺五一黃金周之前要掌握廉價團嘅數目以及作出限制，否則長假期嗰陣問題會越黎越嚴重。 另一九龍城區議員潘國華就話，區內內地團已經滋擾附近居民超過十幾年，內地旅客食飯之後喺垃圾桶附近食煙，不時隨地吐痰，佢發言嗰陣一度哽咽，話生活喺咁嘅環境，問題一直冇改善，反問當局居民要點樣忍受。