中國工程師紀超群涉嫌喺美國為中國收集科技人才個人資料，被控從事間諜罪罪成，最後判囚8年。 紀超群今年31歲，10年前透過學生簽證抵達美國，案情指，佢為中國情報機關物色咗8位可以係招攬對象嘅科學家以及工程師，紀超群2016年曾經計劃加入美國陸軍預備役，但謊稱未曾與外國政府接觸，佢最後喺2018年9月被捕。 中國外交部曾回應事件，指所謂中方實施間諜行動嘅講法，完全係子虛烏有，中國歷來奉行唔干涉別國內政原則，中方無必要亦唔會從事所謂干預活動。